Николовски: За 2,5 години тежок мандат успеавме да спроведеме низа мерки за парите да се враќаат кај граѓаните

Граѓаните имаат лесен избор на овие избори, да гласаат за повеќе пари кај граѓаните, мерки за поддршка на младите, поголеми плати, повисоки пензии, а од друга страна нема втор концепт кој кажува каде ќе ја носи државата, истакна Николовски..

„Истокот најбрзо се развива, во следниот мандат ќе продолжиме со мерките и политиките за поддршка на земјоделството, ќе обезбедиме 100% покриеност на зелена нафта за земјоделците, а тоа го можеме бидејќи водиме политики за враќање на парите кај граѓаните, не градиме скулптури, не се изнесуваат парите во Белизе“, нагласи Николовоски.

Тој додаде дека пари во државата има, но зависи како се трошат, ако се однесувате домаќински има доволно пари за раст на плати, зголемување на пензии, враќање на дел од ДДВ назад кај граѓаните.

„Истокот тоа го знае, некој добил државна пензија, некој социјална помош зголемена за три пати, стечајците добиваат помош од 8.000 денари“, истакна Николовски,

За 2,5 години тежок мандат освен крупните политики, успеавме да спроведеме низа мерки за парите да се враќаат кај граѓаните, порача Николовски.


Copyright 2019 Falanga Сите права се задржани.
Текстот не смее да се печати или емитува, во целина или во делови без договор со Falanga.



Scroll To Top