СДСМ: Владата гради партнерски однос со земјоделците кои со години беа уценувани и понижувани од ВМРО-ДПМНЕ

Сооптение ВМРО-ДПМНЕ.

Цели 11 години додека ВМРО-ДПМНЕ криминално и расипнички ги трошеше парите на граѓаните земјоделството беше во колапс, хаос и безредие а земјоделците беа понижувани малтретирани и уценувани.

За разлика од таквиот потценувачки однос кон земјоделците од страна на ВМРО-ДПМНЕ, Владата предводена од СДСМ и надлежното Министерство за земјоделство, шумарство и водостопанство градат партнерски однос со земјоделците и сите наследени и настанати проблеми ги решаваат во интерес на земјоделците.

Залудно ВМРО-ДПМНЕ измислува непостоечки случаи преку кои ја вознемирува јавноста, откупот на јаболка тече и се одвива непречено.

Новата субвенција за предадени јаболка е донесена по бројни средби со земјоделците и откупувачите на јаболка, со цел да им се излезе в пресрет на производителите на јаболка, кои претрпеа големи штети врз производството поради временските непогоди, особено во Преспанскиот регион.

Три денари субвенција за килограм индустриски јаболка е само дел од пакетот мерки наменети за овоштарите и производителите од Преспанскиот регион.

Ресорното министерство за земјоделство шумарство и водостопанство, останува посветено на заложбите обезбедување повеќе пари кај секој земјоделец.

Владата предводена од СДСМ покажува што значи вистинска грижа за земјоделците и продолжува да работи на спроведување на мерките што обезбедуваат развој и унапредување на земјоделството и подобар животен стандард за сите земјоделци.

ЦЕНТАР ЗА КОМУНИКАЦИИ СО ЈАВНОСТА НА СДСМ



Copyright 2017 Falanga Сите права се задржани.
Текстот не смее да се печати или емитува, во целина или во делови без договор со Falanga.




Scroll To Top